Afg‘onistonlik tadbirkorlar Toshkentda avtomobil savdosi imkoniyatlari bilan tanishmoqda

Afg‘onistonlik tadbirkorlar Toshkentda avtomobil va ehtiyot qismlari savdosi imkoniyatlari bilan tanishish uchun tashrif buyurdilar. Mehmonlar Sergeli avtomobil bozori, "Tashkent INDEX" savdo majmuasi va "Banner Print" korxonasida bo‘lib, ularning faoliyati, savdo infratuzilmasi, xizmat ko‘rsatish tizimi hamda avtomobillar va ehtiyot qismlar oldi-sotdisi uchun yaratilgan shart-sharoitlar bilan tanishdilar. Bu tashrif ikki mamlakat o‘rtasida savdo aloqalarini mustahkamlash maqsadida amalga oshirildi. Tadbirkorlar O‘zbekistondagi avtomobil bozorining imkoniyatlarini o‘rganishga katta qiziqish bildirdilar.