Eronda Ho‘rmuz bo‘g‘ozi orqali AQSh va Isroil kemalariga taqiq qo‘yildi

Eron parlamenti Ho‘rmuz bo‘g‘ozi orqali AQSh va Isroil kemalarining o‘tishiga taqiq qo‘yuvchi qonun loyihasini ma’qulladi. Ushbu qonun loyihasiga ko‘ra, bo‘g‘oz orqali Isroilga aloqador har qanday yuk, jumladan harbiy yoki fuqarolik yuklarini tashish taqiqlanadi. Agar bu talab buzilsa, tashilayotgan yuk qiymatining 20 foizigacha jarima qo‘llanilishi mumkin. Bu choralar Eronning mintaqadagi xavfsizlik va strategik manfaatlarini himoya qilish maqsadida qabul qilingan. Qonun loyihasi orqali Isroil bilan bog‘liq har qanday harakatlarga qarshi turish niyati ko‘rsatilmoqda.