O‘zbekistonda ilk bor aerologik shar sinov tariqasida uchirildi

Buxoro viloyatida O‘zbekiston mustaqilligi yillarida ilk bor aerologik shar sinov tariqasida muvaffaqiyatli uchirildi. Ushbu loyiha atmosferaning yuqori qatlamlarini o‘rganishga, ob-havo prognozlari aniqligini oshirishga va xavfli gidrometeorologik hodisalarni ertaroq aniqlash imkoniyatini kengaytirishga qaratilgan. Aerologik sharlar, atmosferadagi havo harorati, namlik va bosim kabi ko‘rsatkichlarni monitoring qilishda muhim rol o‘ynaydi. Bu yangi texnologik qadam, O‘zbekistonda ob-havo sharoitlarini yanada yaxshi tushunishga yordam beradi.