Prezident Uzbekistan Airways reyslaridagi kechikishlarga e’tibor qaratdi

O‘zbekiston Respublikasi prezidenti Uzbekistan Airways reyslaridagi kechikishlar masalasiga to‘xtalib o‘tdi. Davlat rahbarining so‘zlariga ko‘ra, kompaniya marshrutlari optimal tanlanmagan va reyslar orasidagi vaqt uzoq. Shuningdek, kechikishlar ko‘pligi va servisda raqobat yo‘qligini ta’kidlab o‘tdi. Prezident, shuningdek, NKMKda oltin tannarxining 8,2 foizga oshganini, “O‘zmetkombinat”da po‘lat sharlar tannarxining 5,4 foizga, “O‘zkimyosanoat”da karbamid tannarxining 11,1 foizga va ammiakli selitra tannarxining 8,3 foizga ko‘tarilganini ham e’tibordan chetda qoldirmadi.