Toshkentda 120 ta bekat belgilanmagan muddatda foydalanishga topshirilmagani aytildi.

Toshkentda avtobus bekatlarining almashtirilishi masalasi o‘rganildi. Aksilkorrupsiya agentligi tomonidan ma’lum bo‘lishicha, “Ewi snacks” MChJ may–iyun oylarida o‘z hisobidan 120 ta bekat o‘rnatishi kerak edi, ammo hozirgi kunga qadar ulardan birortasi foydalanishga qabul qilinmagan. Agentlik shartnoma shartlari bajarilishini nazorat qilishni kuchaytirish bo‘yicha Toshkent hokimligiga ko‘rsatmalar berdi. Shuningdek, agentlik raqobat kuchayishi uchun bekatlarni alohida lotlarga bo‘lib auksionga chiqarishni taklif qilmoqda. Bu o‘z navbatida, shahar transport tizimining rivojlanishiga yordam beradi.