Yevropadagi anomal issiq atom elektr stansiyalariga ta’sir etmoqda

Yevropada davom etayotgan anomal issiqlik atom elektr stansiyalarining ishlab chiqarish quvvatini qisqartirishga sabab bo‘lmoqda. Shu sababli, ayrim davrlarda Fransiya atom elektr stansiyasi (AES) mavjud quvvatini 8–9 gigavattgacha qisqartirmoqda. Bu holat esa nafaqat atom energetikasi, balki Yevropa elektr tarmoqlari barqarorligiga, davlatlararo elektr savdosi va energiya narxlariga ham salbiy ta’sir ko‘rsatmoqda. Daryolardagi suv sathining pasayishi esa, atom elektr stansiyalarining faoliyatini yanada qiyinlashtirmoqda. Yevropa mamlakatlari uchun bunday sharoitlarda energiya ta'minotini barqaror saqlash masalasi dolzarb ahamiyat kasb etmoqda.