Lombard Odier banki Gulnora Karimova ishida aybdor deb topildi

Shveytsariya Federal jinoyat sudi Lombard Odier bankini Gulnora Karimova ishida aybdor deb topdi. Bank, “pul yuvishga qarshi barcha zaruriy va lozim darajadagi tashkiliy choralarni ko‘rmagan” degan ayblov bilan 3 mln frank (3,7 mln dollar) miqdorida jarimaga tortildi. Bank esa pul yuvishga qarshi barcha zaruriy choralar majmui ishlaganini ta’kidlab, hukm ustidan shikoyat qilishini bildirdi. Ushbu vaziyat Shveytsariya banklarining pul yuvishga qarshi kurashdagi roli va mas'uliyatini yana bir bor ochib berdi.