Toshkentdagi 35 ta bozor va savdo kompleksi sotiladi

Toshkent shahridagi «Aviasozlar», «Qoraqamish», «Qo‘yliq», «Navro‘z», «Sergeli», «Farhod» dehqon bozorlari, shuningdek, «Bek to‘pi» va «O‘rikzor» savdo komplekslari ommaviy sotuvga chiqarilishi e'lon qilindi. Bu bozor va savdo komplekslari o‘rnida zamonaviy ekobozorlar, savdo va xizmat ko‘rsatish markazlari, ko‘ngilochar majmualar hamda ko‘p qavatli avtoturargohlar tashkil etilishi rejalashtirilgan. Bu jarayon Toshkentda savdo infratuzilmasini modernizatsiya qilishga qaratilgan. Bu haqda ma'lumot «Kun.uz» portalida berilgan.