Davlat xizmatchilariga ish haqi hisoblash tartibi o‘zgaradi

O‘zbekistonda davlat xizmatchilariga ish haqi hisoblash tartibi yangilanadi. Vazirlik va idoralar xodimlari olayotgan ish haqi tarkibida lavozim maoshining ulushi 15 foizdan oshmasligi ta’kidlangan. Bosh vazir o‘rinbosari Jamshid Qo‘chqorov, o‘ndan ortiq ustama va mukofotlar o‘rniga, uchta asosiy rag‘batlantirish to‘lovini joriy qilishni va 11 ta razryad hamda 6 ta pog‘onadan iborat yangi ish haqi setkasini taklif qildi. Bu yangiliklar hududiy boshqarmalar xodimlarining ish haqining tegishli hokimliklardagi o‘xshash lavozimlar maoshidan yuqori bo‘lmasligini ta’minlaydi.